ئەم کاتەت باش من ناوم "عەداڵەتە" لەسەر زەمین چاوێکی خوا و دەستێکی خوام. ئەوەتەی هاتوومەتە ئەم نیشتمانەوە کەس نامناسێ و کەس نامبینێ و ئەوەی ناوی نەبێ منم. من لێرە تەنهام. هەموو شەوێ بە چرپاکەی خۆمەوە ئەمبەستنەوە پالستەرێکیش ئەدەن لە دەمم. ئەم نیشتمانە ئەوەندە ڕقی لە منە هەر هەلێکی بۆ هەڵکەوێ سەرم ئەبڕێ. من بە ئاسانی نادزرێم بەڵام لێرە ئەگەر ئاگام لەخۆم نەبێ ئەمدزن و ئەمفڕێنن ماسکەکەی من ئەبەستن و ترازووەکەم هەڵئەگرن و ئەچنە دەرێ بۆ ناو خەڵک و سلسار سلسار ئەڵێن ئێمە نەک عەداڵەت خودایەکی تازەهاتووی ئەم وڵاتەین!