ژنێکی کڵۆڵ دوایین کتێبی نووسەری ئەمریکی، ڕیچارد براتیگانە کە دوو ساڵ بەر لە کۆچی دوایی لە مەزرایەکەیدا تەواوی کرد. بەڵام بڵاوی نەکردەوە تاکوو شازدە ساڵ لە دوای مەرگی، کچەکەی وەک تونیا میراتگر لە نیۆریۆرک ئەو کتێبەی بە ناوەندێکی بڵاوکردنەوە ئەسپارد و ساڵی 2000ی زایینی وەکوو دوایین بەرهەمی براتیگان بڵاو بۆوە. ژنێکی کڵۆڵ بەسەرهاتی سەفەرنامەکەیە لەسەر ئاستی سەفەرنامەنووسیدا. ئەم کتیێبە ڕۆژمێری سەفەری پیاوێکە لە ماوەی چەند مانگ ژیانیدا بەم جۆرە لە درێژەی سەفەردا کۆمەڵێک ڕووداو دێتە ئاراوە. ئەمە ئاماژەیەکە بە ژیانی نووسەر کە لە دوایین ساڵەکانی ژیانیدا گەشت دەکات بۆ وڵاتی ئامریکا و تەنانەت ڕێی لە ئەلاسکا و هاواییش دەکەوێ. نووسەر لەم کتێبەدا دەرگایەک بەرەو ڕووی خوێنەر دەکاتەوە. بە زمانێکی شیرین، بە نوکتەزانی و گفتێکی گاڵتەئامێز و دۆستانە خوێنەر بەشدار دەکات لە ژیانی ڕۆژانەی خۆی و سەردەمدا.