ئاگۆتا کریستۆف ساڵی ١٩٣٥ لە هەنگاریا (مه‌جارستان) لە دایک بووە. ساڵی ١٩٥٦، پاش تێكشکاندنی شۆڕش لە لایەن سۆڤیەتەوە، ئەو وڵاتەی بەجێ هێشتووە و لە شاری «نۆشاتێل»ی سویس گیرساوەتەوە. بەر لەوەی بە زمانی فەرەنسی، زمانی ئاوارەیی و غوربەت، سێکوچکەی ڕۆمانەکانی بنووسێ، شانۆنامەی نووسیوە. «دەفتەری گەورە» یەکەم ڕۆمانێتی، پاشان ڕۆمانەکانی «بەڵگە» و «سێهەم درۆ»ی نووسیوە. کریستۆف، خەڵاتی کتێبی نێونەتەوەیی لە ساڵی ١٩٩٢دا وەرگرتووە.
ئاگۆتا کریستۆف، ٢٧ی ژوییەی ٢٠١١، لە تەمەنی ٧٥ ساڵیدا لە شاری نۆشاتێل کۆچی دوایی کردووە.
ئه‌م کتێبه‌ی به‌ر ده‌ست سه‌رجه‌م کورته‌ چیرۆکه‌کانی نووسه‌ر له‌ خۆ ده‌گرێت.