«وردیلەکان» زنجیرە کتێبێکی منداڵانە کە لە ٣٥ بەرگ پێک ھاتووە و بۆ منداڵانی خوار تەمەنی دە ساڵان نووسراوه‌. ئەم زنجیرە کتێبه‌ وەرگێڕدراونه‌ سه‌ر‌ زۆربەی زمانەکانی دنیا و لە ئاستی جیھاندا پێشوازییەکی باشیان لێ کراوە. ھەر کتێبێک چیرۆکێک لە خۆ دەگرێت کە منداڵان ھان دەدات خۆ بە دوور بگرن لەو خوو و ڕەوشتە نەشیاوانەی کە لە سەردەمی منداڵیدا دەبنە ھۆی ئازاردانی دایک و باوک و کەسانی دەوروبەر. وەرگێڕانی کوردی ئەم زنجیرەیە بە زمانێکی پاراوی منداڵانە و لە ڕووی نوسخەی ئینگلیزییەوە کراوە.