ئەلبێر کامۆ، لەم شانۆنامەیەدا ڕووداوە مێژووییەکانی تەنیا وەک ئێسکبەندێک وەرگرتووە، هیچ ئامانجێکی ئەوەی نەبووە ڕووداوێکی مێژوویی یان ژیاننامەی کەسێکی مێژوویی بخاتە سەر شانۆ. بە گشتی هیچ پێوەندییەکی مێژوویی ئامانجی ئەم شانۆنامەیە نییە، بەڵکوو یەکەم و کۆتایی ڕوانین و فەلسەفەی نووسەر، نیشان‌دانی بێهوودەییە بە زمانی دراما. ئەم شانۆنامەیە لە چوار پەردە پێک‌هاتووە. پەردەی یەکەم: هۆشیاربوونەوەیە بەرانبەر بە بێهوودەیی ژیان؛ پەردەی دووهەم: نیشان‌دانی یارییەکی خەمبار و تۆقێنەرە؛ پەردەی سێهەم: تایبەتە بە پیلانگێڕی؛ پەردەی چوارەم: تایبەتە بە کۆتایی زۆردار و دیسپۆتێکێک.